Aktorja e njohur britanike, Diana Rigg, ka ndërruar jetë ditën e sotme në moshën 82-vjeçare.
Ajo njihet më së shumti për rolet e saj si Emma Peel në serinë filmike, “The Avengers” dhe Olenna Tyrell në serialin “Game of Thrones”.
Lajmi u bë i ditur nga menaxheri i saj, i cili u shpreh: “Ajo ka vdekur paqësisht në mëngjesin e sotëm, teksa ka qenë në shtëpi me familjen e saj, e cila ka kërkuar privatësi në këtë kohë të vështirë”.
Aktorja ka lënë pas një karrierë të gjatë me rolet e saj nëpër teatro, por njihet edhe për paraqiten e saj në filmin James Bond, në të cilin ajo martohet me një spiun britanik.
