Ditën e sotme është ndarë nga jeta aktori i njohur i humorit Gëzim Kruja.
Pas disa problemeve shëndetësore, mjeshtri i madh i humorit ndërroi jetë në moshën 81-vjeçare.
Gëzim Kruja karrierën humoristike e ka nisur që kur ishte 13 vjeç. Ai ka shkruar 15 komedi, 10 recitate dhe 2 libra me monologë gazmorë.
Me mjeshtëri ka interpretuar mbi një mijë role në skeçe të ndryshme.
Kujtojmë se në vitin 2004 Kruja ka marrë titullin “Krenaria e Qytetit”.
Ndërkohë në vitin 2005 mori titullin “Naim Frashëri i Artë” ndërsa në vitin 2010, titullin “Mjeshtër i Madh”.
