Iliri dhe Gilberta bënë shumë zhurmë në media, pasi dolën çift nga “Përputhen +40”. Por duket se romanca e tyre ka qenë fare e shkurtër, dhe për arsye që ende nuk dihen, ata i kanë dhënë fund lidhjes.
Këtë detaj e ka bërë të ditur vetë Gilberta, me anë të një mesazhi në Instagram, ku një ndjekës e pyet nëse ndodhet me Ilirin me pushime.
“Jo, nuk jam me Ilirin. Jam e lirë, po shijoj verën. E vërteta, e hapur, e kthjellët, jeta kjo është. S’do rrimë mbyllur me frikën e lëndimit, njerëzit shprehin atë ç’ka po jetojnë në atë fazë që ne kemi ose jo fatin t’i njohim, ne mësojmë, përjetojmë, gjallë jemi, kjo është jeta. E vijojmë para! Kush do na shoqëron”, shkruan Gilberta.
Kjo ndarje është e papritur, pasi ata një muaj më parë zyrtarizuan lidhjen me një festë me familjarët.
