Fansat e “Big Brother” e kujtojnë Fotinin, e cila krijoi një lidhje me Danjelin brenda shtëpisë me të ndjekur. Në studion e “Ftesë në 5” me Bieta Sulon, ajo ka sqaruar të vërtetën e ndarjes së saj nga Danjeli.
Fotinia pranoi se lidhja me Danjelin ka marrë fund disa muaj më parë, ndonëse së fundmi u zbulua pasi ajo kishte riaktivizuar rrjetet sociale. Duke mos dashur të zbulojë me detaje arsyet e ndarjes, ajo tha se ky ishte një vendim i përbashkët, meqë marrëdhënia nuk po funksiononte.
“Ne realisht e provuam si lidhje, nuk është se u bë “Big-u” dhe kaq mbaroi. E kemi provuar shumë seriozisht, familjarisht, të gjitha bashkë”, u shpreh ajo, duke shtuar më tej se pavarësisht të gjithave, me Danjelin kanë mbetur miq.
