Edhe pas lajmit se kancelarja Angela Merkel nuk i dha ende premtim Edi Ramës dhe Shqipërisë për çeljen e negociatave me BE, ndonjë prej gazetarëve dhe analistëve nuk nguron të thurë lavde për Edi Ramën.
“As këtë herë Merkel nuk i jep Shqipërisë premtim për negociatat e anëtarësimit me BE”. Me këtë titull agjencia e lajmeve Reuters në gjuhën gjermane ka qenë e para që ka botuar lajmin pas takimit Rama Merkel Berlin.
Gjithashtu, po sot ish-ministri i Jashtëm Besnik Mustafaj deklaroi se kryeministri Edi Rama është në ankth të madh nëse do të hapën apo jo negociatat me BE-në. Mustafaj theksoi se vizita e Ramës është nul dhe nuk ka ndikim për qëndrimin e vendeve skeptike, siç është Gjermania apo Franca.
Ndërsa, analisti dhe gazetari i njohur Shpëtim Nazarko i ftuar në emisionin Arena të Dritan Hilës në Ora News tha se Rama zotëron cilësitë e Ahmet Zogut në diplomacinë e jashtme dhe oratorinë e Fan Nolit.
“Për mendimin tim, sektori më i mirë ku Rama lundron shkëlqyeshëm, është politika e jashtme. Te Rama mishërohen cilësitë më të mira të Ahmet Zogut në diplomacinë e jashtme dhe oratoria e Fan Nolit”, deklaroi Nazarko.
