Teksa procesi i vaksinimit po vazhdon në Shqipëri, NATO u ka dërguar një kërkesë autoriteteve shqiptare dhe Forcave të Armatosura, duke kërkuar që vetëm vaksina Pfizer t’i jepet ushtrisë, duke përfshirë dhe Gardën Kombëtare që ruan personalitetet shqiptare dhe ata të huaja.
Deri më tani, Shqipëria po përdor më së shumti vaksinën kineze CoronaVac të Sinovac, e cila, nuk është miratuar nga Agjencia Evropiane e Barnave.
NATO thotë në letër se vaksinimi i ushtrisë shqiptare është një përparësi kryesore për NATO-n, por shton se asnjë vaksinë tjetër që qarkullon në vendin tonë nuk duhet përdorur veç Pfizer-BioNTech.
Për shkak të pandemisë, stërvitja do të kryhet nën rreptësi të plotë, por me vaksinimin që pritet të lehtësojë situatën, raporton Noa.
NATO thotë se kërkon vaksinën Pfizer pasi është një produkt gjermano-amerikan i certifikuar në BE dhe SHBA.
