Ministrat e mbrojtjes të NATO-s po diskutojnë në Bruksel hapat e ardhshëm në përgjigje të krizës në Afganistan dhe Irak.
Sekretari i Përgjithshëm i NATO-s Jens Stoltenberg tha se aleanca është e përkushtuar në misionin e saj të trajnimit në Afganistan dhe beson se kjo është “mënyra më e mirë për të mbështetur procesin e paqes”.
Stoltenberg u bëri gjithashtu thirrje talebanëve të “demonstrojnë një vullnet dhe aftësi të vërtetë për të ulur dhunën” dhe “të përfshihen në bisedime të besueshme paqeje”.
Në rendin e ditës të takimit të ministrave ishte edhe misioni i trajnimeve të NATO-s në Irak.
Sekretari i Përgjithshëm Stoltenberg tha se ai pret që ministrat të “marrin iniciativën dhe të tregohen të gatshëm për të siguruar më tepër mbështetje për Irakun”. /Voa
