Napoli ka arritur një fitore të vuajtur sot në javën e parafundit të Serisë A ndaj ekipit të Fiorentinës.
Goli i parë erdhi në minutë e 56-të me protagonist mbrojtësin nga Kosova Amir Rrahmanin i cili u pengua në zonë, duke fituar dhe penallti. Nga pika e bardhë Insigne nuk arriti të konvertojë në gol 11-metërshin, por pasi topi u kthye nga portieri goditi sërish dhe kaloi të tijët në epërsi.
Në minutën e 67’ një autogol i Venutit dyfishoi avantazhin e bluve dhe i qetësoi atëherë kur duhej duke e mbyllur takimin me 3 pikë.
Me këtë fitore, Napoli shkon në vendin e tretë me 76 pikë, një më pak se Juventusi e Milani, por “kuqezinjtë” kanë një ndeshje për të luajtur, atë ndaj Kaljarit sonte në 20:45.
