Shqiptarët tashmë përbëjnë kryefjalën në mediat e huaja, për ‘pushtimin’ në tregun e lëndëve narkotike. Bandat të drejtuar nga shqiptarë, duket se kanë çarë në tregun e huaj, duke siguruar në të njëjtën kohë edhe shifra marramendëse. Tashmë mafia shqiptare dominon tregun britanik, duke mbledhur goxha lekë nga tregu i kokainës.
Një nga mediat më të njohura britanike, “Mirror”, i ka kushtuar një shkrim mafies shqiptare, sipas së cilës, vijon të dominojë në tregun e drogës, kryesisht të kokainës.
“Tregu britanik i kokainës tashmë është i dominuar nga mafia e pamëshirshme shqiptare”, thanë ekspertët. Banda të dhunshme nga Ballkani erdhën dhe kapën kontrollin e tregut britanik të drogës, duke hyrë si “tregtarët me shumicë”, dhe duke negociuar direkt me kartelet kolumbiane dhe tani është më e lira e më e pastra që prej vitit 1990.
Sot, Mbretëria e Bashkuar ka numrin më të madh të përdoruesve të rinj të kokainës në Evropë”, thuhet në shkrim, ndërsa i referohet grupit Hellbanianz, i përshkruar edhe si një grup shumë i ndjekur në rrjetet sociale.
“Një kërcim i vogël është edhe grupi Hellbanianz, një bandë famëkeqe që sundon mbi pasurinë e Gascoigne në Barking, East London. Imazhet e tyre në rrjetet tregojnë shfaqje të parave dhe makinave të shtrenjta. Banda kishte 115,000 ndjekës në Instagram, përpara se llogaria e tyre të mbyllej në nëntor.
Ata flasin për mbrojtjen e Barking me “kallash” – AK-47s – dhe shpërndajnë kërcënime ndaj rivalëve.
Një zëdhënës i Agjencisë Kombëtare të Krimit tha: “Grupet shqiptare të krimit kanë krijuar një profil të lartë, dhe një shkallë influence brenda Britanisë së Madhe dhe kanë marrë qasje të konsiderueshme në tregun e trafikimit të drogës në Mbretërinë e Bashkuar, veçanërisht kokainës”, përfundon shkrimi në ‘Mirror’.
