Një tjetër sasi droge rekord është sekuestruar në Itali, e ndërsa vlera e saj është e lartë. Janë mediat e huaja të cilat raportojnë se kanë kapur një anije me 20 ton kanabis në Itali.
Lënda narkotike kap shifrën e mbi 200 milion eurove. Anija është sekuestruar në orët e para të ditës, në Itali. Të njëjtët burime shtojnë se operacioni është realizuar nga autoritetet policore të Palermos.
Anija me të cilën transportohej kanabisi quhet Remus, dhe lundronte me flamurin e Panamasë. Për këtë sasi droge, janë vënë në pranga edhe personat që e posedonin. 11 persona nga ekuipazhi janë arrestuar, të gjithë malazezë.
