Pas shumë kërkesave të naftëtarëve dhe pas shumë protestash të tyre për mos marrjen e pagave, kryeministri i Edi Rama ka zhvilluar një telekonferencë.
Rama në këtë takim virtual me naftëtarët, u tha se ata mund të kërkojnë dhe një interpelancë me ministrin, apo dhe me qeverinë sipas rregullave dhe ligjeve.
Pas fjalës së kryeministrit kryetari i sindikatës së naftëtarëve, ka parashtruar kërkesat që ata kanë.
Sipas tij tre janë kërkesat kryesore të tyre:
Fillim dhe vazhdim i punës me cikël të mbyllur të naftës të vendin;
Të garantohen detyrimet e punëtoreve, pagat dhe sigurimet shoqërore të prapambetura;
Implementimi i statusit të naftëtarit.
Ndërsa nga ana tjetër ata kanë lëshuar një lum akuzash kundrejt ministri Gjiknuri në sy të Ramës, duke u shprehur se ai kurrë nuk u është përgjigjur ankesave të tyre.
Më pas është përgjigjur dhe Ministri i Infrastrukturës dhe Energjisë, i cili tha se ata do të jenë në vëmendje të qeverisë dhe do të marrin atë që meritojnë.
“ Ju do të jeni të parët që do të trajtoheni ekonomikisht, të gjithë ata që kanë statusin do të kenë përfitimin. Jeni të parët që ai komision do të trajtoj me shpejtësi dhe me precedenca, çështja e statusit është vetëm çështje vullneti është krejt e zgjidhshme, pasi kjo gjë u takon me ligj. Për problemet që keni pasur me mos pagimin, unë kam bërë ndërhyrje dhe tek banka dhe do të ketë një zgjidhje të shpejtë”, u shpreh Gjiknuri.
