Deputeti i opozitës parlamentare, Korab Lita ka lëshuar kritika ndaj klasës politike, për të cilën thotë se kanë 30 vjet që tërheqin zvarrë Shqipërinë.
Gjatë fjalës së tij nga foltorja e Kuvendit, Lita kujtoi prillin e vitit 2008, kur brenda një nate u ndryshua Kushtetuta. Teksa e cilësoi si zanafillën e asaj që po përjetojmë sot.
Po ashtu, deputeti ka akuzuar presidenti Ilir Meta, si kontribuesin e parë që po pengon reformën në drejtësi.
“Kjo seancë ngjason me atë shprehjen popullore: Hajduti thotë kap hajdutin”. Çfarë mund të presësh më shumë nga kjo klasë politikë, e cila prej 30 vitesh e tërheqin zvarrë Shqipërinë.
Kjo ndodhi edhe në prill të 2008, brenda një nate u ndryshua Kushtetuta dhe kjo është zanafilla e asaj që në po përjetojmë sot.
Kanë kaluar mbi 5 vjet dhe akoma do të vazhdohet me sabotimin e reformës në drejtësi, por durimit të shqiptarëve po u vjen fundit. Presidenti i pari po kontribuon për bllokimin e institucioneve dhe ju bëj thirrje. Kështu e duan sot Shqipërinë, pa institucione”, deklaroi ai.
