Zëdhënësja e qeverisë Elisa Spiropali, ka zbuluar bisedën me një eurodeputet, i cili i ka thënë se opozita shkon në takime jashtë vendit për të nxirë imazhin e vendit. Gjatë fjalës së saj në Kuvend, duke sjellë në fokus fjalën e një aurodeputeti, ajo tha se ishin çuditur me gjestet nga ana e opozitarëve shqiptarëve.
Mjaft e tronditur mbi akuzat e parashtruara nën zë nga ana e opozitës, Spiropali ngriti shqetësimin se është e turpshme që të vendosin interesin partiak mbi atë kombëtar.
“Nuk kanë lënë derë eurodeputeti pa folur për Shqipërinë, duke e nxirë. Një eurodeputet na tha që na bëjnë habi këta opozitarët tuaj. Është e paimagjinueshme të mendosh se ka shqiptarë që vendosin interesin e tyre partiak, mbi interesin kombëtar.
E kanë të provuar që njerëzit nuk e duan këtë retorikë. Është koha të bëjmë disa prej detyrave të shtëpisë, siç është Reforma në Drejtësi. Gjyqtarët dhe prokurorët që kanë dalë nga sistemi, duhet të përballen me ligjin”, tha Spiropali.
