Ish-presidenti Bujar Nishani ka reaguar lidhur me paraqitjen e kryeministrit Rama në takimin e Departamentit të Shtetit në Vjenë.
Në fotografinë e shpërndarë në Facebook, shfaqen të gjithë përfaqësuesit e veshur me kostum dhe kollare, e ndërsa rast përjashtimor bën kreu i qeverisë Edi Rama.
Ai është prezantuar pa kollare, dhe sipas Nishanit, me model iranian në veshje.
Statusi
Një takim shumë i rëndësishëm i Departamentit të Shtetit me Troikën e OSBE.
I vetmi pa kollare dhe me model iranian.
Na mori “erzin” anekënd botës.
I thonë “Kryeministri i Shqipërisë”, pa’ vetë si individ le të bëjë ç’të dojë!
https://www.facebook.com/permalink.php?story_fbid=3166722773377137&id=288438424538934
Duke folur nga Vjena, në mbledhjen e Këshillit Special të OSBE-së për krizën në Bjellorusi, Rama u shpreh se OSBE-ja do të bëjë ç’është e mundur për të ndihmuar në këtë situatë të rrezikshme.
Kreu i qeverisë shqiptare, njëherazi kryesuesi i OSBE-së, theksoi se e ardhmja e Bjellorusisë duhet vendosur përmes dialogut, dhe jo përmes dhunës.
