Para fillimit të takimit të Këshillit Evropian, Presidenti bullgar Rumen Radev, deklaroi se muajin e fundit, Bullgaria ka qenë nën presion të madh nga partnerët e saj evropianë për të hequr veton ndaj Maqedonisë së Veriut.
“Ajo që gjeta në Këshillin e mëparshëm në maj ishte Bullgaria në izolim, duke treguar gishtërinj dhe akuza se po bllokon negociatat me Maqedoninë e Veriut dhe Shqipërinë. Është koha që të lëmë fushën e njohjes në diplomaci përpara kamerave dhe të përqendrohemi në zgjidhje pragmatike,” tha Radev, shkruan Radio Bulgaria.
Ai u shpreh se Bullgaria ka një pozicion të qartë për gjetjen e një zgjidhjeje për problemin, dhe këmbëngul në garanci të besueshme të rezultateve dhe të pakthyeshme në marrëdhëniet dypalëshe.
“Mendoj se është koha që të lëmë fushën e njohjes në diplomaci përpara kamerave dhe të përqendrohemi në zgjidhje pragmatike,” tha Rumen Radev dhe paralajmëroi që presioni mbi Bullgarinë do të vazhdojë.
Radev theksoi më tej se Bullgaria nuk mund të mbështesë fillimin e negociatave të pranimit në BE me Republikën e Maqedonisë së Veriut, derisa të jenë të bindur se fqinji i tyre nuk do të ndërtojë identitetin e tij bazuar në vjedhjen e historisë së Bullgarisë.
