Myftinia e Tiranës ka shtruar Iftar për besimtarët myslimanë me rastin e muajit të madhërishëm të Ramazanit. Të ftuar kanë qenë personalitete të vendit dhe klerikë të komuniteteve të tjera fetare.
Të pranishëm ishin edhe kryeministri Edi Rama me bashkëshorten e tij Linda Rama. Gjithashtu të ftuar ishin dhe kryetari i Bashkisë së Tiranës, Erion Veliaj dhe kryetari i FRD-së, Bamir Topi. Tre politikanët Rama, Veliaj dhe Topi kanë qenë të ulur në të njëjtën tavolinë. Nuk dihet nëse kjo vendosje në tavolinë ishte e rastësishme apo Bamir Topi kërkonte të jepte ndonjë mesazh.
Myftiu i Tiranës, Ylli Gurra në fjalën e tij tha se “duhet të ndjekim traditën e islamit për bashkvëllazëri mes myslimanëve dhe të krishterëve. Të bashkohemi të gjithë në paq për paqe dhe për paqen. Bamirësia e vazhdueshme dhe investimi për paqen sociale është një nga veprimet më të lavdishme për myslimanët.”
Ndërsa kryeministri Edi Rama u shpreh: “Askush nuk është besimtar i vërtetë nëse për të mirën që kërkon për vete nuk përpiqet që ta përftojë dhe si vëllai i tij.”
