Gazetari i njohur, Kastriot Myftaraj ka komentuar situatën politike në vend, teksa ka bërë edhe një deklaratë të fortë sa i përket Shërbimit Informativ të Shtetit.
I ftuar në emisionin “360 Gradë” në Ora News, Myftaraj u shpreh se raporti i SHISH, për djegien e parlamentit është bërë me miratimin e amerikanëve.
“Për mendimin tim opozita duhet të ketë një përparësi që ndërkombëtarët të shprehen për këtë raport. Të bëjnë hetime. E di pse është opozita për raporton e SHISH është sepse e di që është bërë me miratimin e amerikanëve. Dhe kam një provë”, tha gazetari.
Por duke qenë se deklarata e tij u bë në fund të kohës televizive, drejtuesi i emisionit, Artur Zheji, nuk e la Myftarajn ta mbaronte fjalinë.
“Kjo hap një…hap shumë. Duhet ta kishe thënë në fillim. Ta kishe thënë në fillim të emisionit. Kur thamë kush është fakti, nuk e the këtë, tani s’e hap. Jo, jo, jam në fund të emisionit”, u shpreh Artur Zheji.
