Historiani Neritan Ceka, ka folur rreth zgjedhjeve që do zhvillohen, duke theksuar se nuk do të ketë zgjedhje të parakohshme.
I ftuar në emisionin “360 Gradë” në Ora News, Ceka u shpreh se zgjedhjet e ardhshme do jenë në 2021, teksa shton se sipas tij do të fitojë opozita jashtë parlamentare.
“Jam gati të vë bast që në zgjedhjet e ardhshme që janë në 2021 nuk ka më para, fiton ajo që quhet opozitë, jo ajo e parlamentit. Të bëjnë çfarë të duan sepse në Shqipëri sa më pak të bësh aq më shumë nderohesh. Ata e kanë të sigurt. Ajo që kërkojmë prej tyre është që të shkojmë dhe të votojmë si qytetarë evropianë. Pra kur të shkojmë atje mos kemi kryetarë partie që numërojnë votat, se unë nuk do shkoj dhe i ftoj të gjithë qytetarët në komisione ku votat i numërojnë anëtarët e partisë të mos shkojnë më”, deklaroi Ceka.
