Britania e Madhe po përballet me një variant të ri të Covid-19, i cili mund të jetë rezistent ndaj vaksinave që po prodhohen aktualisht.
Ky mutacion u identifikua më 13 dhjetor në komunën e Kentit në Anglinë e jugut, dhe analizat fillestare të shkencëtarëve qeveritarë çojnë në përfundimin se ky virus po përhapet më me shpejtësi se variantet ekzistuese.
Kryeministri britanik, Boris Johnson gjatë një mbledhjeje me kabinetin, tha se varianti i ri është deri në 70% më ngjitës se ato të mëparshme.
Johnson njoftoi një mbyllje thuajse të plotë të Londrës dhe Anglisë juglindore, duke u bërë thirrje banorëve të qëndrojnë brenda. Të gjithë dyqanet për artikuj jo të domosdoshëm janë të mbyllur dhe nuk lejohet lëvizja e banorëve nga Londra për në një pjesë të madhe të Anglisë juglindore dhe anasjelltas.
Shkencëtarët thonë se do të duhen dy javë për të kuptuar se si reagon ky virus ndaj vaksinës, por virologët shpresojnë se nuk do të jetë sjellë ulje të mbrojtjes imunitare për organizmin.
