Ish-ministri i Jashtëm Besnik Mustafaj ka folur në lidhje me zhvillimet e fundit në Shqipëri dhe për votimin e gjuhës shqipe në Maqedoni. Ngjarja e fundit që ka patur interes mediatik dhe politik ishte arrestimi i kreut të Bashkisë së Lezhës, i cili akuzohet për tjetërsim pronash tek “Rana e Hedhun”.
Kjo sipas Mustafajt, nëse do të dënohet kreu i bashkisë, qyteti i Lezhës do të shkojë në zgjedhje. Mustafaj ka kritikuar ashpër dy partitë politike kryesore, pasi sipas tij, ka një kulturë nënvlerësimi për zgjedhjet lokale. Gjithashtui Mustafaj deklaroi se humbja e tretë për Luzim Bashën do të ishte një vdekje politike.
Për ligjin e gjuhëve në Maqedoni, Mustafaj deklaroi se ligji nuk është i përsosur, por i rëndësishëm për kushtet ku ndodhet vendi, ndërsa shtoi se Gruevski është një nacionalist, që skenari i tij mbetet ende i pakuptimtë.
Pjesë nga intervista
Ne kemi një traditë të keqe në këto 27 vite të dyja partitë kryesore si PS dhe PD-ja. Por kjo e fundit ka më shumë probleme. Zgjedhjet vendore shpesh nënvlerësohen. Partitë nuk kanë kandidatë rezervë. Nëse dënohet Frrokaj do të ketë zgjedhje.
Humbja e tretë është një vdekje politike për Bashën. Lezha është një qytet me një lulëzim personalitetesh, qe janë të shkolluar, me kontribute, përzgjedhja e mirë është kur marrin pjesë shumë persona. Por, për ta bërë një zgjedhje cilësore, ajo duhet të bënte një përzgjedhje dhe të shqyrtonte kandidatura të shumta. Përcaktimi i shfuqizimit të datës së 20 shkurti për të përkujtuar viktimat e komunizmit, është një vendim i vetë partisë demokratike. Lidershipi i Partisë Demokratike improvizon herë pas here.
Ligji i gjuhëve
Kjo do të çonte në përmirësim të klimës. I cenohet e ardhmja e saj nëse i cenohet ky lloj kohezioni, pasi shqiptaret po kërkojnë të drejtat që iu takojnë. Ky ligj është një hapje e rëndësishme përpara, në krijimin e një kohezionin që i nevojitet. Gruevski është humë nacionalist, por nuk e kuptoj qëllimin e tyre për të ndarë Maqedoninë.
Unë mendoj se është një hap inteligjent, që hap rrugë për anëtarësimin e vendit në strukturat euroatlantike. Partia e Gruevskit është nacionaliste, ajo është një poarti jo e standardeve, ajo çfarë më shqetëson është deklarata e presidentit Ivanov. I zgjedhur prej VMRO-së, kam frikë se do e çojnë drejt radikalizimit. E mirë është që të gjithë palët të respektojnë elementët e shtetformimit, nëse nuk respektohet më tej, kjo natyrisht do jete e rëndë.
