Deputeti dhe njëkohësisht kryetari i forcës më të re politike, Lëvizja Demokratike Shqiptare, ka shpalosur vizionin e partisë së tij.
Primare për të është shfarosja e njerëzve të korruptuar brenda institucioneve shtetërore, kryesisht në parlament.
Murrizi u zotua se do të denoncojë rast pas rasti çdo shkelje që do të zbulojë.
”Nuk bëj pjesë tek politikanët fallxhorë, ka të tjerë që janë fallxhorë. Nëse shqiptarët do të jenë të përgjegjshëm për votën që kanë në dorë, të votojnë për veten e tyre, jo për Myslim Murrizin. Pa pikë problemi nëse gjykojnë dhe mendojnë që e keqja e këtij vendi, degdija e shqiptarëve jashtë vendin, fukarallëkun që ka zaptuar vendin, në korrupsion e madh, në bajatjen e kësaj politike, të fillojnë me ndëshkimin nga unë.
Me 25 prill shqiptarët kanë në dorë një armë të fortë. Ta përdorin atë armë për të shporrur çdo palaço që ka qenë gur në qafë 30 vite për ta. Një vizion kam unë, të jem aty bashkë me një përfaqësi deputetësh, për të frenuar çdo njeri të degjeneruar dhe të korruptuar që ka në atë sallë.”, tha Murrizi në ‘Ora News’.
