Nënkryetari i Komisionit Hetimor për shkarkimin e presidentit Ilir Meta, Myslim Murrizi ka zbardhur detaje për informacionet e grumbulluara deri më tani, në lidhje me këtë proces.
I ftuar në emisionin ”Repolitix”, Murrizi u shpreh se në Komisionin Hetimor, kanë mbërritur informacione nga SHISH, Struktura e Posaçme Anti-Korrupsion dhe Drejtoria e Policisë.
Por, se cilat janë këto informacione, Murrizi nuk i bëri të ditura, kjo pasi janë të klasifikuara si “sekret shtetëror”.
Myslim Murrizi: “Ka ardhur informacion nga SHISH nga Struktura e Posaçme Anti-korrupsion dhe nga Drejtoria e Policisë. Meta në periudhën para zgjedhore dhe para se të fillojë fushata, në qëndrimet e tij publike, janë shkelje Kushtetuese edhe sipas ekspertëve. Për mua personalisht Meta ka shkelje morale të karriges së të parit të shtetit. Disa shkelje kushtetuese mund t’i përtyp përpara nja bastardimi moral. Se sa është shkelur Kushtetuta kam raportin e ekspertëve të së drejtës Kushtetuese që thonë se ka shkelur këtë ne për këtë takim, për këtë deklaratë”.
