Në Komisionin e Sigurisë ku u diskutua për amnistinë, deputeti Myslim Murrizi solli në fokus arrestimin e “Zogut të Tiranës”, Hermes Nikajt. Ai u shpreh se në Kodin Penal është shtuar një pikë e posatshme për të lënë në burg “Zogun e Tiranës”, vetëm e vetëm se ka dalë në përgjime ku flet për shitblerjen e votave.
Debati:
Murrizi: Vepra penale kundër moralit dhe dinjitetit, bëhet fjalë për “Zogun e Tiranës”? Se nuk qëlloj dot.
Felaj: Nuk është dënuar “Zogu”.
Murrizi: Do ta dënojnë “Zogun e Tiranës” këta, se i ka dalë emri tek votimet. I shkreti, unë po e shoh të shkretë se e kini përdorur për votat. Po të jetë në zanat të vet… Deputet Luani nëse e ka pasur pseudonimin fjalën votë për gjë tjetër, t’i shpjegojë se nuk u bë qameti. Ky vend është mbushur plot zogj.
Komisioni i Sigurisë Kombëtare miratoi sot projekt-ligjin për dhënien e aministisë për të dënuarit, draft ky, i miratuar nga qeveria në fund të vitit 2019. Tashmë i ngelet vetëm Kuvendit, që të bëjë miratimin që amnistia të hyjë në fuqi.
Hermes Nikaj u arrestua në datën 24 nëntor dhe ndodhet në masë arresti me burg, për akuzat e “shfrytëzimit të prostitucionit”, por edhe të “shitjes së trupit të tij kundrejt pagesës”. Rrjetin në fjalë e zbërtheu dëshmia e një vajze që shfrytëzohej nga “Zogu i Tiranës” për prostitucion, ku ky i fundit merrte edhe pjesën e tij të fitimit.
