Kryeministri Edi Rama ishte i pranishëm në Ishull Lezhë në hapjen e aktivitetit turistik “Festat lokale 2019”. Shefi i ekzekutivit u shpreh se numri i turistëve të huaj është rtritur ndjeshëm në vitet e fundit dhe këtë e tregojnë qartë shifrat e publikuar nga operatorët turistikë.
Ai tha se qeveria dhe ministria përkatëse do të punojnë fuqimisht për të shtuar aktivitetet kulturore, pasi sipas tij, kjo qasje është një domosdoshmëri.
Rama nuk kurse as ironitë ndaj opozitës së bashkuar, ndërsa tha se vendi ynë mund të përfshihet në listën e vendeve që mund të ofrojë edhe “turizëm protestash”.
“Është me rëndësi të veçantë se paralelisht me të gjithë përpjekjet nga ana e operatorëve tursitik që kanë arritur nivele profesionalizmi të denja për Europën. Nga ana tjetër përpjekjet për investime në turizëm që i kanë kushtuar vëmendje aktivitetit ekonomik.
Një vlerë e shtuar është përpjekja e qeverisë për të bërë punën që duhet për të kthyer një themel të humbur që solli harresa e pas luftës, duke ndërtuar kalendarin e aktiviteteve kulturore artistike si pjesë integrale. Shqipëria është një vend me det plazhe e male, por çdo ditë e më shumë po e kuptojmë se historia e suksesit në turizmit është shumë më tepër se kaq.
Lidhet me historinë, zakonet, elemente që janë mbivendosur trupit si veshje si xhevahire dhe që janë një arsye shumë e fortë për ta eksploruar këtë trup.
Ne e nisëm vjet me një lloj droje sepse ishte një punë që nuk e njihnim por duke parë dhe mësuar nga të tjerët dhe duke e kuptuar ishte një domosdoshmëri, e filluam dhe përfituam.
Këtë vit vazhdojmë me shpresën e reflektimit dhe dëshirën të kalojë mesazhi tek të tjerët, sipërmarrësit se ky është një kalendar që duhet të jetë sinteza e aktiviteteve.
Qeveria dhe ministritë nuk duhet të tërhiqen nga pjesëmarrja në këtë mori aktivitetesh për të garantuar mbështetjen. Por pasurimi i këtij kalendari me aktivitete të vetëorganizuara, kanë zgjedhur ta prezantojnë këtë kalendarë në klubin e gjuetarëve në Lezhë.
Kjo shërben për promovimin e klubit dhe është i pari klub i krijuar në Shqipëri në vitet 30, pranë zonës së parë të mbrojtur me ligj, këtu ku jemi. Kjo është një harmonizimi mes natyrës dhe nevojën për të krijuar një pik takimi në këto zona. Numrat vijnë në rritje dhe shifrat janë inkurajuese.
‘Shtrigat’ që sjellin turistët tregojnë se turistët e ardhur nga vendet nordike rritet deri në 40%. Në Muaj Mars patëm 10% më shumë të huaj që kanë hyrë në Shqipëri dhe në Prill po 10% më shumë.
Siç na dhatë të drejtë shifrat për turizmin dhe për faktin se nxitja është komplekse ashtu jam i bindur për kohën e vlerën e shtuar në rritjen e numrit të turistëve.
Duhet të shohim ç’po ndodh në Korçe, Berat apo Gjirokastër. Përditë çelen dyer të bujtinave të vogla dhe jo më larg se sa sot një grup miqsh të ardhur nga jashtë nuk kishin vend në Berat me gjithë ndërhyrjen që kërkova nuk kishte vend.” ka thënë Rama.
Ndër të tjera kryeministri ka thumbuar edhe opozitën që prej kohësh proteston kundër qeverisë. Rama ka thënë se protestat e opozitës mund të futen në një guidë turistike.
“Kjo obobo-ja e madhe nuk ka ndikuar aspak tek numri i turistëve, madje mund të bëhemi një që ofrojmë edhe turizëm protestash. Mund të jetë një atraksion. Sidomos kur kemi të bëjmë me protesta të tilla të organizuara dhe stacione të përcaktuar dhe me të gjithë atë skenografinë e përgatitur për argëtuar njerëzit përmes ekraneve, mund të përfshihen në kalendarin turistik, për t’i ofruar turistëve të marrin pjesë në protesta, vetëm se do të “numërohen”, si protestues dhe do i rrisin numrin artificialisht”,ka deklaruar Rama.
“Ulja e TVSH në 6% e hoteleve është një histori suksesi, dhe duhet të bimë dakord se nuk mund ta lëmë informalitetin. Shqipëria me 5 yje po flitet shumë dhe janë realitete në kontrata.
Së fundmi përfunduam procedurën për të kontraktuar aksin e ri Milot-Balldren, procesi Shëngjin-Velipojë ka nisur. Besojmë brenda pak muajsh do ta financojmë me Bankën Europiane për zhvillim.
Këto janë dy do të lehtësojnë shumë nga ngarkesa. Do ti japin Shëngjinit një frymëmarrje të re dhe mundësira shumë të mëdha. Kemi parë raste të mjaftueshme me hoteliere dhe që nuk mund të justifikohen më, për dhënien leje për forma të papajtueshme.
Në vend të ngrehinave të larta për një bregdet, pa diskutim që do ishte vija më e frekuentuar. Duhet të synojmë me bukuri si këtu. ” ka përfunduar Rama.
