E shtunë, 12 Qershor, 2021
26.5 C
Tirana

‘Mund të arratiset nga Shqipëria me skaf’/ Çfarë thonë mediat turke për Ozer

Mediat turke kanë bërë të ditura detaje të reja lidhje me Faruk Fatih Ozer, bosin e kriptomonedhave ‘Theodex’, i cili po fshihet në Shqipëri prej disa ditësh.

Sipas Ensonhaber, Ozer u paraqit në sportelin e hotelit Mondial tek ’21 dhjetori’, ku prenotoi për tre netë, por ndejti vetëm dy sepse kuptoi që po ndiqej nga policia.

Ozer u kap nga paniku me përhapjen e shpejtë të lajmit se ai ishte kërkuar në Turqi dhe futjen e Interpol, dhe më pas qëndroi në shtëpinë e shoferit që e mori atë nga aeroporti në ”Pazarin e Ri”.

Por, edhe në këtë zonë ai nuk ndenji për shumë kohë, pasi kërkimet për të po intensifikoheshin, dhe shkoi në zonën e ”Myslym Shyrit”.

Mësohet se aktualisht, Ozer është duke kontaktuar me persona të lidhur me mafian në jug të Shqipërisë me qëllim arratisjen me gomone për në Itali.

Itenerari i tij në Shqipëri:

Direkt pas ardhjes në Shqipëri, Faruk Fatih Özer u vendos në hotel Mondial pranë Zogut të Zi në Tiranë duke prenotuar tre netë, por doli prej andej natën e dytë, pa bërë as check out dhe më pas është fshehur në shtëpinë e shoferit që e mori në aeroport pranë zonës së “Pazarit të Ri” në Tiranë. Çiftin shqiptar ai e kishte takuar një muaj më parë në Stamboll, ku ata kishin qëndruar në shtëpinë e tij, edhe pse nuk ka asnjë detaj për lidhjen mes tyre. 

Sipas burimeve nga policia turke se Faruk Fatih Özer nuk ndenji shumë aty pasi u zbulua nga autoritetet duke u transferuar në një tjetër zonë, pikërisht në zonën e “Myslym Shyrit” në kryeqytet. Por nuk ishte e thënë për turkun e famshëm pasi edhe ky vend ku ai fshihej u zbulua nga policia duke bërë që të transferohet së fundmi në zonën e “21 Dhjetorit” ku edhe ka humbur gjurmë .

Özer themeloi kompaninë në vitin 2017 dhe lejonte përdoruesit të blejnë dhe të shesin kriptovaluta të Bitcoin, por pasi u mori investimet nuk i lejonte më që të kishin akses në platformë. Pas denoncimeve të bëra, organet e akuzës në Turqi nisi hetimet ndaj tij duke e shpallur në kërkim.

Lexo edhe :   Shqipëria zgjidhet anëtare e përkohshme e Këshillit të Sigurimit në OKB
- Reklama -

Më shumë nga kategoria




Të fundit

Ushtarët e Antikrimit s’mund t’i hidhen krimit

Nga: Preç Zogaj Drejtësia e re me bashkautorësi amerikane dhe europiane, në konceptim dhe zbatim, të cilën unë e kam mbështetur e do të vazhdoj...

Asisti i Shaqirit nuk mjafton, Zvicra ndalet nga Uellsi (Video)

Përfundon ndeshja e dytë e kampionatit europian ''EURO 2020''. Ndeshja e vlefshme për grupin A, midis Uellsit dhe Zvicrës është mbyllur në barazim, me...

Zgjedhje për kreun e ri/ Gjana: Komisionerët e kandidatëve vetëm nga degët e PD

Komiosionerët e çdo kandidati për kryetar në PD duhet të jenë anëtarë të degës përkatëse të PD-së ku do propozohen për këtë proces. Ka...

Asnjë viktimë nga koronavirusi, 12 raste të reja në 24 orët e fundit

Situata epidemiologjike në vendin tonë paraqitet e qëndrueshme. Në 24 orët e fundit, janë regjistruar 12 raste të reja me Covid-19, nga 2.916 testime...

”Shpresoj të mos jetë si Trump”/ Putin flet për Biden para takimit në Gjenevë

Presidenti i Rusisë, Vladimir Putin shpreson se homologu i tij amerikan, Joe Biden, do të jetë më pak impulsiv se paraardhësi i tij, Donald...