Kryetari i Këshillit Kombëtar të Partisë Demokratike Bujar Nishani, i cili është një nga kritikët që kërkon dorëheqjen e kryedemokratit Lulzim Basha, ka dhënë argumentet e tij lidhur me këtë kërkesë që ka shprehur.
Në një intervistë për ”Report Tv”, Nishani u shpreh se riformatimi i PD fillon me dorëheqjen e Bashës, i cili do të çlirojë edhe ngërçin psikologjik që ka përfshirë strukturat e partisë.
Madje, Nishani paralajmëron se nëse PD nuk reformohet, kryeministri Edi Rama do të fitojë zgjedhjet edhe në vitin 2015.
Bujar Nishani: ”Reformimi nuk vjen vetëm me dorëheqjen e liderit, ajo është hapi i parë i nisjes së një procesi besimi. Nuk e duan qeverinë e Ramës, nuk kanë besim te PD, dorëheqja është një akt politik perëndimor dhe nuk ka vetëm vlerën e perceptimit të sjelljes me integritet, por edhe çlirimi nga ngërçi psikologjik që ka struktura dhe opinioni i PD-së. Duhet të sillesh europian duke filluar nga vetja, nuk mund t’u kërkosh të tjerëve të sillen europian dhe vetë të sillesh sipas modelit afrikan. Nuk është çështje spastrimesh.
Kur them modeli i ri, vija e parë i takon gjeneratës së re, PD ka organizimin e 2015, në 2025 duhet të shkojmë me modelin që duhet të ketë në 2030. Alibi e dobët për t’i ikur përgjegjësinë dhe hapjen e PD. Ky proces duhet të vijojë paralelisht me hapjen e partisë. Rama do fitojë edhe 2025 nëse PD nuk reformohen.’’
