Besnik Muçi, pasi i është komunikuar vendimi nga KPA-ja, ka dalë në një prononcim për mediat, ku ndër shumë gjëra, ka thënë se nuk do të largohet nga zyra e Gjykatës Kushtetuese, duke refuzuar kështu vendimin e KPA-së.
Në lidhje me deklaratën e tij, i menjëherëshëm ka qenë edhe reagimi nga kreu i grupit të PS-së, Taulant Balla. Ai e ka quajtur një deklaratë qesharake atë të Muçit dhe se vendimet e KPA-së duhet të zbatohen.
Gjyqtari Muçi pas shkarkimit: Kush është ai zyrtar që s’ka probleme me pasurinë
“Nuk komentoj vendimet e drejtësisë, ato janë të zbatueshme. Të gjithë e dinë se qasja e legjislativit ndaj vendimeve fundore të vettingut. Kjo është qesharake. Vendimet nuk diskutohen vetëm se zbatohen”, tha ai.
Ndërkohë, ai ka komentuar edhe vakancën e re të krijuar me largimin e Muçit. “Ajo që kemi thënë është që institucionet e reja të drejtësisë, Kushtetuesja apo e Larta duhet të kenë në përbërje personalitete të drejtësisë që nuk kanë asnjë mangësi në pastërtinë e figurës dhe aftësinë profesionale. Më mirë një gjykatë Kushtetuese me katër anëtarë sesa me shejtanin brenda”, tha Balla.
LAJMI FUNDIT/ Shkarkohet gjyqtari i Kushtetueses Besnik Muçi
