Kryeministri Rama ka ‘thumbuar’ qeverinë holandeze, pas vetos kundër hapjes së negociatave për Shqipërinë. Në konferencën “SHBA në Ballkanin Perëndimor”, kreu i qeverisë theksoi se kur holandezët vijnë në Shqipëri, mrekullohen nga ajo që shohin.
Duke bërë një paralelizëm me ironi, ai shtoi se holandezët mrekullohen kur vijnë në Tiranë, ndryshe nga çfarë e kishin menduar. Kjo sepse Tirana është transformuar, dhe që mbetet në lartësinë e duhur. Duke filluar nga mikpritja e deri tek ushqimet.
“Duke shpresuar që mos të bëhem i mërzitshëm, dua ta mbyll me një falenderim për profesor Angjelin, dhe organizatorët. Një falenderim për ambasadorët dhe të ftuarit e tjerë jashtë konferencës.
Duke ju uruar që përveçse të flasim për SHBA, të marrim maksimumin e kënaqësisë me qëndrimin në Tiranën e transformuar. Por që mbetet ajo që ka qenë, gjithmonë në lartësinë e duhur, qoftë nga ushqimet dhe qoftë nga mikpritja.
Këtë mund t’ua them me bindje si banor i Tiranës, po edhe si njeri që kam pasur fatin të shoh se dhe vet holandezët mrekullohen kur vijnë në Tiranë, dhe thonë se ‘është komplet ndryshe Shqipëria nga çfarë ne e mendojmë’.
Dhe pastaj kur kthehen e shohin ashtu siç e mendojnë, dhe jo ashtu siç e kanë parë”, përfundoi fjalën Rama.
“Po bëhen disa herë që s’e mbajnë fjalën”, Rama ‘fshikullon’ BE-në
