Një nga çiftet më të komentuara në media është reperi Mozzik dhe Loredana. Ata kanë qenë të pandarë nga njëri-tjetri në muzikë, dhe në përditshmërinë e tyre. Kujtojmë këtu se muaj më parë, ata u bënë prindër të një vajze që e pagëzuan me emrin Hana. Mediat rozë aludojnë se lidhja mes çiftit duket se nuk është në ditët e saj më të mira.
Janë fansat ata që kanë qenë tejet të shqetësuar me lëvizjet e çiftit në dy javët e fundit.
Dyshimet e para lindën pasi është vënë re mungesa e Mozzik në xhirimet e projektit të Loredanës, me reperin turko-gjerman Mero.
Tashmë kur dueti ka një datë zyrtare, pasi do të publikohet më 6 shtator, reperi nuk e ka parë të udhës as ta postojë në profilin e tij, siç ka vepruar gjithmonë. Po kështu ka rreth dy javë që Mozzik dhe Loredana nuk janë shfaqur bashkë në postimet e përditshme, ç’ka shton edhe më shumë dyshimet për një krizë të mundshme mes çiftit.
Prive.al ka kontaktuar me disa burime pranë artistëve, që e kanë konfirmuar të njëjtën gjë. Nuk dihet nëse bëhet fjalë për një hatërmbetje të çastit, apo diçka më serioze.
