Liverpool është duke fituar ndaj Tottenham në finalen e Champions League falë një penalltie të fituar që në sekondën e 21 të takimit. Vendimi i gjyqtarit Damir Skomina i ka gjetur edhe ish-arbitrat të papërgatitur, të cilët kanë dhënë mendime të ndryshme për vendimin në fjalë.
Duke folur për spanjollen “AS”, është ish-arbitri Iturralde Gonzalez, i cili shprehet: Penallti, pa dyshim. Prekja me dorë duket e pavullnetshme në fillim, por nëse shohim më mirë, ajo është e hapur dhe mbulon më shumë hapësirë. Prandaj, Skomina ka bërë mirë që e ka dhënë.”
Por, i një mendimi tjetër është ish-arbitri Andujar Oliver, i cili për spanjollen tjetër “Marca”, shprehet: “Është një gabim nga ana e arbitrit. Topi prek kraharorin e Sisoko në fillim, dhe më pas krahun. Nuk duhej të jepej penallti, është e pavullnetshme”.
gol salah 0-1 on Vidnews.
