Manchester United është mposhtur sërish në Premier League dhe këtë herë është West Ham që ka fituar 3-1. Një ndeshje për tu harruar nga të besuarit e Jose Mourinho, të cilët në javë e fundit janë të rrethuar nga një tension i madh. Trajneri portugez ka kritikuar skuadrën për mungesë besimi në vete dhe ka vendosur që të fajësojë arbitrat për humbjen.
“Nuk e kemi nisur mirë ndeshjen, nuk kemi patur besim në vete. Megjithatë, goli i parë i tyre ka qenë në pozicion jashtë loje. Nëse kjo ndeshje do ishte luajtur të martën (në kupë), VAR do ta kishte anuluar”, ka thënë trajneri portugez.
“Anësor gaboi dhe ne u ndëshkuam. Më pas kemi patur një reagim shumë të mirë. Lukaku më duket se ka goditur shtyllën. Në vazhdim erdhi një autogol që mund të ishte shmangur.
Kur shënuam golin erdhi gabimi i arbitrit që nuk ka dhënë faullin e Zabaleta-s ndaj Rashford. Arnautovic ka përfituar nga ky gabim dhe ndeshja është mbyllur. Mendoj se mund ta kishim kthyer”, ka përfunduar Mourinho.
