Situata tek Manchester United nuk është aspak e qetë pas humbjes që ekipi pësoi këtë fundjavë. Por Jose Mourinho e ka kthyer në një “show” konferencën për mediat në prag të përballjes me Valencian në Champions League. Portugezi edhe pse flitet shumë se është në prag të shkarkimit dhe se në vend të tij do të emërohet Zinedine Zidane, e ka marrë me shumë sportivitet. Madje Mourinho nuk ka mohuar edhe zërat se ka pasur një telefonatë mes tij dhe francezit, ku ky i fundit i ka bërë me dije se nuk është duke punuar aspak pas shpinës së tij, për t’i zënë vendin.
Për këtë episod, Murinho u shpreh para gazetarëve: “Pyesni personin që e ka shkruar këtë gjë, nëse kam folur me Zidane. E keni aty prapa (teksa bën me gisht drejt gazetarit.)”
Teksa kolegët pyetën gazetarin anglez në lidhje me këtë gjë, gazetari u përgjigj se e kishte bërë pikërisht diçka të tillë, dhe Murinho më pas me një buzëqeshje në fytyrë deklaroi: “Ai e ka shkruar. Është futur brenda telefonit tim.”
“Nuk mendoj se rrezikoj të humbas vendin tim të punës. Kam përshtypjen se përgjegjësia për atë që po ndodh te Manchesteri është e të gjithëve. Të gjithë njerëzit luajnë një rol në klub. Më mbetet vetëm t’i përmirësoj këto rrethana, dhe gjërat që varen prej meje, unë i bëj gjithmonë.” – deklaroi Murinho.
“Nuk largohem nga Manchester United! E kuptoj se ka nevojë për ndryshime në klub, pasi për momentin nuk po kalojmë një situatë të mirë. Por nuk do të jem unë ai që do të largohet”,- tha Murinho. Para ndeshjes kundër Valencias, Mou u duk shumë i qetë dhe deklarata e tij që dikush do të largohet, nuk lidhet me mesfushorin francez, Paul Pogba, por me drejtorin e klubit, Ed Woodwart.
