Ditën e sotme vendi ynë do të dominohet nga masa ajrore të qëndrueshme, të cilat do të ndikojnë mot kryesisht të kthjellët.
Sipas Meteoalb, herë pas here do të ketë vranësira të lehta e kalimtare, më të dukshme në ekstremin verior të vendit.
Temperaturat e ajrit do të rriten ndjeshëm në mesditë, duke bërë që termometri të ngjitet deri në 36 gradë celcius.
Era do të fryjë e lehtë në tokë dhe mesatare në det me shpejtësi 30 km/h nga drejtimi perëndimor- veriperëndimor duke bërë që në brigjet detare të gjenerohet dallgëzim 1 ballë.
Ndërkohë, pasdite vranësirat do të jenë më të pranishme në zonat malore lindore, duke lënë me mot të kthjellët bregdetin dhe zonat e ulëta. Ky stabilitet i atmosferës do të na shoqërojë edhe gjatë orëve të natës.
