Sinoptikania Lajda Porja ka thënë se gjatë javës së ardhshme, pritet të jetë krejtësisht dinamike, me rritje temperaturash, me mëngjese të ftohta por edhe me diell. Porja raportoi në një lidhje me “Skype” për News24 se kjo fundjavë do të karakterizohet nga një mot i kthjellët. Sakaq, temperaturat maksimale do të rriten deri në 7-8 gradë celsius.
“Kjo fundjavë karakterizohet nga moti i kthjellët. Temperaturat maksimale do të rriten deri te 7-8 gradë celsius. Nuk priten reshje në territor gjatë fundjavës.
Java do të jetë krejtësisht dinamike, dita e hënë mund të sjellë rritje të ndjeshme temperaturash, por do të rriten reshjet në zonat veriore dhe qendrore, megjithatë shirat do të jenë të pakta.
Duke filluar nga e marta do të kemi mëngjese të ftohta dhe ditë me diell. E mërkura do të sjellë sërish rritje të lehtë të temperaturave”, u shpreh sinoptikania.
