Duket se reshjet e shiut nuk do të na ndahen edhe për disa ditë. Sot, në pjesën më të madhe të ditës do të mbizotërojë shiu.
Pjesa e parë e ditës mbetet me vranësira të shpeshta, duke sjellë rrebeshe të përkohshme shiu në pjesën më të madhe të vendit, por pasditja sjell përmirësim gradual të motit në të gjithë vendin.
Sipas MeteoAlb, temperaturat e ajrit ulen lehtë gjatë mëngjesit, por rritje me 1- 2°C sjell mesdita duke ngjitur maksimumin territorial mbi 30°C.
Era do fryjë e lehtë në tokë dhe mesatare në det, me shpejtësi 45 km/h nga drejtimi Veriperëndimor, duke krijuar në det dallgëzim 2 ballë.
