Nga dje, 15 tetor, mbajtja e maskës u bë e detyrueshme në çdo ambient jashtë shtëpisë.
Por, jo të gjithë e kanë zbatuar këtë vendim, dhe shërbimet e Policisë kanë vendosur gjoba për qytetarët që nuk kishin vendosur maskat dhe as nuk i kishin ato me vete.
Policia e Shtetit, informon se në të gjithë vendin janë vendosur 341 masa administrative me vlerën 3.000 lekë secila.
Gjithashtu, shërbimet e Policisë kanë shoqëruar në ambientet e Policisë në të gjithë vendin, 11 shtetas që nuk i janë bindur urdhrit të punonjësit të Policisë për të treguar dokumentin e identifikimit, me të cilin punonjësi i Policisë duhet të plotësonte fletën e gjobës për shkeljen e konstatuar.
Megjithatë, edhe gjatë ditës së sotme, gjatë kontrolleve është konstatuar që shumica e qytetarëve i kishin vendosur maskat mbrojtëse.
