Një video tronditëse është publikuar para disa orësh në media. Një i moshuar ka rënë pa ndjenja në tokë, në Gjilan të Kosovës. Asnjëri prej kalimtarëve që kanë qenë dëshmitarë të skenës nuk ka denjuar të ndihmojë dhe të përkujdeset për të moshuarin, duke u shfaqur indiferentë dhe duke shmangur situatën.
Mësohet se i moshuari ka ndërruar jetë pak momente më pas.
Zëdhënësi i policisë në komunën e Gjilanit, ka thënë se gjatë deklarimeve të dëshmitarëve që shihen edhe në video, të gjithë kanë pohuar se kanë telefonuar urgjencën.
Tronditës dhe zhgënjyes mbetet fakti, se vlerat po zëvendësohen çdo ditë e më shumë nga anti-vlerat, duke e transformuar shoqërinë njerëzore në një mekanizëm larg humanizmit.
