Opozita e bashkuar ka vendosur që të mblidhet pas pak për të diskutuar shtrirjen e mos bindjes civile në të gjithë vendin.
Mbledhja e opozitës vjen ndërkohë që sot paradite u zhvillua një protestë dyorëshe duke bllokuar pikat kyçe në akset nacionale të vendit tonë.
Po kështu mësohet se në orën 18:30 në Kukës ka protestë të qytetarëve para komisariatit për lirimin e 11 protestuesve që gjykata i la dje në burg.
Akset që u bllokuan sot janë; kryqëzimi i Milotit, që lidh Tiranën me Shkodrën, por dhe Rrugën e Kombit me Tiranën dhe Durrësin.
Gjithashtu, u bllokua kryqëzimi i Çermës në Lushnjë, që paralizon lëvizjen në jug të vendit, kryqëzimi i Vorës ku shkoi edhe kryetari i PD, Basha si dhe kryqëzimi i Bradasheshit në Elbasan.
