Keni bërë plane për plazh? Temperaturat janë në favorin tuaj, kështu që vijoni me planet që keni bërë më herët.
Pjesa më e madhe e vendit vijon në kushtet e motit të kthjellët, ndërsa vranësira të lehta do të ketë në zonat Lindore.
Pasditja dhe orët e mbrëmjes mbeten me kthjellime në Ultësirën Perëndimore, por vranësirat bëhen të dukshme në pjesën më të madhe të zonave Lindore.
Sipas MeteoAlb, temperaturat e ajrit ulen lehtë në vlerat e mëngjesit dhe mesditës, kryesisht në zonat malore, por maksimumi mbetet 35- 36°C.
Era do të fryjë kryesisht e lehtë, me shpejtësi 25 km/h nga drejtimi Veriperëndimor, duke krijuar në det dallgëzim të ulët.
