Presidenti Ilir Meta ka dalë me një tjetër mesazh për të rinjtë që i janë bashkuar protestës, kundër qeverisë për shembjen e Teatrit.
Përmes një postimi në Facebook, Meta i bën apel të rinjve që të mos bien pre e provokimeve të policëve, të cilët ai i konsideron “talebanë”.
Kreu i shtetit thekson se demokracia do të triumfojë.
“Rinia e Shqipërisë, pasuria jonë më e madhe! Mos u provokoni nga Talebanët! Demokracia do Triumfojë! Me qetësi dhe dashuri për Shqipërinë”, shkruan ai në postimin e tij.
