Ish-ministri i Financave, Arben Malaj ka paralajmëruar investitorët shqiptarë lidhur me biznesin e kriptomonedhave, duke specifikuar Bitconinin.
I ftuar në rubrikën ”Opinion” në ”News24”, Malaj u shpreh se ky lloj biznesi nuk ka të ardhura, dhe sipas tij bitcoin është një bixhoz financiar.
Ai u bëri apel investitorëve që të mos bien pre e mashtrimit, pasi nuk është e lehtë që të pasurohesh shpejt, duke vendosur paralelzimin edhe me skemat piramidale të vitit 1997.
Ndër të tjera, Malaj u shpreh se Banka e Shqipërisë dhe institucionet financare duhet ë bashkëpunojnë me mediat, dhe të edukojnë investitorët në lidhje me këto investime.
Arben Malaj: ”Biznesi i kriptomonedhave nuk ka të ardhura. Bitcoin është bixhoz financiar, mos bini pre e mashtrimit. Një vend zhvillohet kur individët nuk dështojnë në projektet e tyre. Është në brendësi të qenies njerëzore që të pasurohet sa më shpejt, por ndonjëherë kthehet në babëzi. Skemat piramidale në Shqipëri ishte një tmerr e kolaps ekonomik. Kriptomonedhat shkuan nga pak dollarë në shumë dollarë, tregon se ka dyshime. Bitcoin është bixhoz. Do i lutesha çdo investitori shqiptar, nuk është e lehtë të pasurohesh shpejt. Mos bini viktimë e kriptomonedhave. Banka e Shqipërisë, institucionet financiare duhet të bashkëpunojnë me median, të edukojnë që nga fëmija tek investitori i madh, që mos bien pre e dështimit. Në Amerikë krijohen shumë skema piramidale dhe ndaj autoritetet duhet të edukojnë individët’’.
