Elvana Gjata, e cila nuk preferonte të jepte intervista, padikutim që në mediat rozë dhe jo vetëm cilësohej si një divë e vërtetë. Ajo kishte pushtetin, ose të paktën këtë reflektonin fotot që ajo shpërndante në rrjetet sociale. Elvana ishte e bekuar me një zë mahnitës, e po kështu edhe me një bukuri natyrale, për të cilën askush nuk e ngacmoi për ndonjë ndërhyrje me bisturi.
Koleget e saj mund të ndjenin xhelozi, pasi i dashuri i saj i plotësonte çdo tekë, e ndërsa lekët ishin nën këmbët e saj. Suksesi i saj ishte i garantuar, edhe falë të ardhurave që ajo merrte nga ai.
7 muaj më parë, ajo deklaronte tek Ermal Mamaqi: “Zoti është treguar shumë i mirë me mua…”
Dhe thënë këtë, ajo nuk guxonte ta përmendte emrin e atij prej nga buronte e gjithë kjo mirësi. Ndoshta një bestytni e brendshme nuk e lejoi asnjëherë ta bënte publik, prej më shumë se dy vjetësh emrin e të fejuarit të saj, Ervin Matës. Me gjasë, ajo e besonte vërtetë, sikundër kishte deklaruar, se “po e përmende, prishet gjithçka”.
Dialogu mes Ermalit dhe Elvanës në emision
Ermali: Po mirë mi goc, po si mi goc, vajte 62 vjeç edhe ngele gjithë jetën beqare. Fle me mamin akoma. Beqare je mi, beqare? Ngele beqare?
Elvana: Më vinë në mendje tingujt e këngës, me sa duket gjërat kanë ndryshuar
Ermali: Po hë mi shyqyr mi të keqen, se po bëheshim merak mi.
Elvana: Pse po bëheshe merak ti mo?
Ermali: Sepse kur të ikën mosha Elvanë, është gjithmonë e më e vështirë…
Dhe pas kësaj, vijonte fraza e famshme për gjërat që ke frikë ti pranosh, pasi trembesh se të prishen, dhe pohimi i fortë i Elvanës “Zoti është treguar shumë i mirë me mua…”.
Vallë, profecia e Elvanës mund të ketë qenë e vërtetë?! Emri i saj u lakua aq shumë, sa u kthye në kryefjalë të ditës, kjo jo për shkak të ndonjë koncerti, por për një ngjarje që nuk do donte të ndodhte asnjëherë në jetën e saj.
