Ministri i Jashtëm në detyrë, Gent Cakaj është përfshirë në një debat mbrëmjen e djeshme me pedagogun Mark Marku.
Teksa ishte i ftuar në “Opinion”, Cakaj u shpreh se pluralizmi politik nuk nënkupton pjesëmarrje aktuale të grupeve politike në zgjedhje, por garantimin e të gjitha mundësive që subjektet politike të marrin pjesë në zgjedhje.
Kjo deklaratë, ka irrituar Mark Markun, i cili ka reaguar menjëherë.
Debati:
Mark Marku: S’ke turp… mos më ngre nervat! Po ta lesh me recitu atë.., ai po reciton, po ngatërrohet me të. Zotëri ty nuk të njoh fare as si ministër as si shtet unë ty. Unë nuk njoh asnjë ministër të këtij shteti as kryeministrin pas kësaj që ka ndodh. Asnjë taks nuk do paguajë.
Gent Cakaj: Manifestimi arrogant dhe ofendimet qëndrojnë në proporcion të njëjtë me nivelin e inteligjencës. Zgjedhjet janë mbajtur me 39 subjekte pjesëmarrëse në zgjedhje.
Mark Marku: Po ik ore… E kupton që po flet fjalë pa kuptim.
Gent Cakaj: Nëse Gjykata Kushtetuese vendos ndryshe do ketë respektim absolut të vendimit të Gjykatës Kushtetuese.
