Aktorja e njohur, Enerjeta Jani Fuga ka përgënjeshtruar listën e shpërndarë dje nga aktivistët e Aleancës për Mbrojtjen e Teatrit. Në këtë listë ku ishin shënuar disa emra që shpreheshin kundër ndërtimit të Teatrit të Ri, figuronte edhe aktorja Enerjeta.
Përmes një postimi në rrjetet sociale, aktorja thotë se është pro ndërtimit të një godine të re të Teatrit Kombëtar. Ajo sqaron se ka firmosur vetëm peticionin drejtuar Presidentit dhe krerëve politikë, ku kërkohet hapja e rrugës se ndërtimit të një teatri të ri.
“Unë Jam shprehur që në fillim që jam për një Teatër të RI. Procesi i teatrit të ri ka kaluar shumë faza dhe mund të jetë arsye që kolegët e mi të jenë keqkuptuar apo kanë keqpërdorur emrin tim. Unë mbrëmë kam firmosur dhe e theksoj përsëri që jam për teatër të ri”, shkruan aktorja.
