Pak më herët, policia e Tiranës raportoi për një sherr mes kushërinjve, ku konflikti kishte ndodhur për shkaqe pronësie. Në vendin e quajtur kodër Kashar 2, shtetasi me inicialet R.H., pas një konflikti për motive pronësie, ka plagosur me mjet prerës në trup kushëririn, shtetasin K. H., 36 vjeç, i cili ndodhet në Spitalin e Traumës, nën kujdes mjekësor.
Zihen për pronën, sherri mes kushërinjve përfundon me plagosje
Me kalimin e orëve, të tjera të dhëna kanë dalë në dritë. Siç duket, ‘mollë sherri’ mes dy kushërinjve është bërë një rrugë. Mësohet se Rezeart Hoxha pretendonte se rruga ishte ndërtuar në tokën e tij, dhe sipas tij, kushëriri nuk duhet të kalonte aty me makinë, shkruan “balkanweb”.
Pasi dy kushërinjtë janë zënë verbalisht me njëri-tjetrin, 44-vjeçari ka goditur me thikë kushëririn e tij, shtetasin K. Hoxha. Për pasojë ky i fundit ka mbetur i plagosur, ndërsa është transportuar me urgjencë në Spitalin e Traumës. Ndërkohë, policia ka arrestuar agresorin, ndërsa vijojnë hetimet për dokumentimin e plotë të ngjarjes.
