Temperaturat janë ende të larta, ndonëse jemi zyrtarisht në stinën e vjeshtës. Me anë të një lidhje direkte në emisionin “Rudina” në “Tv Klan”, sinoptikania Tania Porja foli për parashikimin e motit. Për të gjithë ata që ende dëshirojnë që të shkojnë në plazh, kjo është koha ideale. Shtatori do të vazhdojë të jetë i nxehtë, me temperatura relativisht të larta.
“Shtatori i vitit 2018 parashikoi që të jetë jo një shtator tipik i vjeshtës së klimës shqiptare, pasi siç e kemi parë edhe në këto ditë, moti ka qenë tërësisht i kthjellët, ka pasur herë pas here vranësira, shirat kanë qenë fare pak prezentë, ndërkohë që temperaturat në fakt janë relativisht të larta edhe gjatë orëve të natës dhe të mëngjesit, por kryesisht në mesditë.
Këto ditë janë shënuar temperaturat maksimale, 32, 33, edhe 34. Është një periudhë shumë komode për të gjithë ata që nuk janë ngopur me plazhin gjatë stinës së verës, mund ta vijojnë gjatë gjithë muajit shtator”.
Si parashikohet të jetë Tetori dhe Nëntori?
“Ka pasur një aktivizim të fenomenit El nino në Gusht, gjë që ka bërë që Shtatori të jetë 4-5 gradë më i nxehtë se normalja.
Dhe me një siguri, mbi 80% pritet që edhe muaji Tetor-Nëntor, duke përfshirë edhe muajin e fundit të vitit Dhjetori, parashikohet që të jenë më të ngrohtë sesa normalja.
Deri në datën 20 Shtator nuk ka mundësi për shira në të gjithë territorin shqiptar, të shpresojmë pas datës 20”, parashikoi ajo.
