Monika Kryemadhi, kryetarja e LSI-së është shprehur se dhunuesit kanë qenë provokatorë të policisë. Sipas saj, ata 10 veta që kanë treguar sjellje agresive mund të ndaloheshin nga 1300 policë nëse do të donin.
“Nuk largohemi. Ne do të qëndrojmë këtu. I bëjmë thirrje ambasadorëve të shikojnë videot e qytetarëve, që kanë qenë mbi 100 mijë shqiptarë. Edi Rama e di shumë mirë që po të duam e nxjerrim Ramën për 10 minuta. Këtu ka pasur protestë paqësore dhe njerëz qytetarë.
Ne i bëjmë thirrje të ndalojnë dhunuesit. Ata janë provokatorë të policisë. Pse nuk i ndalon policia ato 10 dhunues. Janë 1300 policë. Të angazhoj strukturat e mija për dhunuesit e Ramës?!
Ne po të duam ia vëmë flakën në parlament, ia bëjmë më keq se Edi Paloka. Rama përmes provokimit do të bëjë rolin e viktimës por viktimat janë qytetarët. Flas për plumbat e gomës që ka hedhur policia apo dhe gazin lotsjellës. Nuk do të lëmë të hysh në zyrë”, është shprehur kryetarja e LSI-së, Monika Kryemadhi.
