Kryeministri Rama ka hedhur dritë mbi një ngjarje të rëndë të ndodhur disa vite më parë, kur ai kandidonte për kryetar Bashkie i Tiranës. Rama tha se kur ai kandidonte për kryebashkiak i Tiranës, dhe në qeveri ishte PD, Emiljano Shullazi i mbështetur dhe nga Policia e Shtetit, i kishte shkuar në fushatë dhe kishte tërhequr zvarrë deputetët e PS, Besnik Bare e Vasilika Hysi. Ai ka rrëfyer në “Opinion” se si Emiljano Shullazi, që aktualisht ndodhet në burg, ka shkuar në fushatën e tij elektorale dhe ka marrë zvarrë çfarë ka gjetur aty.
Debati i plotë:
Nano: Vendi është rrethuar nga gangot dhe rrugaçët e rrugës. Ka që në vitet ’90, që roli i tyre është valorizuar. Këta janë militantë partie, kanë numëruar votat.
Më pas kanë dalë dhe histori që u kanë dhënë këtyre edhe role të forta. Por kur dëgjon njeriu, telefonata që menjëherë pas fitores në Dibër njëri u shpërblye duke u bërë polic,… s’di ç’të them, këtë quani ju refomë?
Unë vetëm në kohën tuaj e kam parë që levizte me eskortë nëpër Tiranë. Shullazi ka ekzistuar më përpara, por me eskortë lëvizte në kohën tuaj. Kur shohim një hotel të bukur, kush e ka? E ka një gango me siguri…
Rama: Shullazi ku është Mustafa? Di gjë ti?
Nano: Ai dogji veten…është në burg, se ka bërë shumë gjëra…
Rama: Jo, jo, s’mund të jetë kështu. Ky njeri….sepse unë e kam zët të flas me emra….ky njeri ka ardhur me eskortë i mbështetur nga Policia e Shtetit në fushatën time për kryetar Bashkie, dhe ka marrë zvarrë Besnik Baren dhe Vasilika Hysin, dhe nja 100 veta që ishin aty në mbledhje….
Dhe ka thyer çfarë i ka dashur qejfi…! Ku është ky? Në burg…jo vetëm në burg, por në vigjilje të një procesi që ka filluar të implementohet në sistemin e burgjeve. Është procesi i izolimit të plotë.
