Presidenti i Argjentinës, Alberto Fernandez ka rezultuar pozitiv me koronavirus, dy muaj pasi mori vaksinën Sputnik V të prodhuar nga Rusia.
Fernandez mori dozën e tij të parë të kësaj vaksine në 21 janar, dhe të dytën në muajin shkurt.
Përmes një postimi në rrjetin social Twitter, presidenti tha se kishte ethe dhe dhimbje kokë dhe kishte rezultuar pozitiv.
“Unë tashmë jam i izoluar, duke respektuar protokollin aktual dhe duke ndjekur udhëzimet e mjekut tim personal.”, u shpreh ai.
Argjentina u bë vendi i parë i Amerikës Latine që shpërndau vaksinën Sputnik V në fund të dhjetorit, me blerjen e 25 milionë dozave.
