Një i burgosur ka shfrytëzuar lejen e marrë për të mos u kthyer më në qeli, por aventura nuk i ka zgjatur shumë. Një 36-vjeçar kishte thyer lejen e dhënë nga burgu i Fierit, ku vuante dënimin prej 7 vitesh për “trafikim të lëndëve narkotike”.
Shtetasi G.T., banues në Ballsh, u arrestua pranë qendrës tregtare QTU të këtij qyteti.
Njoftimi i policisë:
Shtetasi G.T ishte person i shpallur në kërkim pasi ka thyer lejen shpërblyese dhënë nga I.E.V.P Fier ku ishte duke vuajtur dënimin prej 7 vitesh për veprën penale “Trafikim të lëndëve narkotike”.
Nga kontrolli i ushtruar i është gjetur dhe sekuestruar në cilësinë e provës materiale një sasi lënde narkotike Cannabis Sativa si dhe një dokument leje drejtimi greke e dyshuar e falsifikuar.
Në këto kushte u bë ndalimi i tij për veprat penale “Prodhimi dhe shitja e lëndëve narkotike”, “Falsifikimi i dokumentave” dhe “Largim i të burgosurit nga vendi i qëndrimit”.
Materialet i kaluan Prokurorisë pranë Gjykatës së Shkallës së Parë Fier për veprime të mëtejshme proceduriale.
